جديد: دردشة ودحامد
الصفحة الأولى تاريخ نشاطات ثقافية خدمات إقتصاديات المنتديات


آداب وفنون
النور ود بابكر:  بقلم حسن علي الخضر  

أخر الأخبار

الصفحة الرياضية

مقالات  و أراء

آداب وفنون

مشاهير ود حامد

قالوا عن ود حامد

ملف الصور

مشاريع مستقبلية

قصص ونوادر

ارسل مقالا

يديك الله من خيرو الكتير يا النور
ويزيدك من خزاينو الفضلو مو معبور
عشاي الضيوف الوجهو مو مصرور
وكان مو باذلها كان قصور
--------------------------
والدك بابكر عطاي وايدو سخية
وان دهمو الضيوف مضمون بعشي المية
بحلف بالطلاق وعزيمتو مي مرخية
بنفاخر بيهو نحن عينا قوية
في الجود والكرم مثلك يمين معدوم
والدك بابكر ، عمك حسين التوم
ودعمك عمر ابشلعة خاتي اللوم
وماك بحرا صغير بنقطع بالعوم
-----------------------------
تنفق ما بهمك مال يمين وشمال
بتعرف المواجع وللكرب حلال
تقدل بالتقيلة وللحمول شيال
و مما قمت خاتي اللكنة مستور حال
--------------------------------------
عامر يا ابعلي وبيتك دوام مليان
من رحمية لا أخوان ولا ضيفان
أبدا مافي من قصدك رجع قمحان
تشهد ليك بلدنا وتاسعة امدرمان
------------------------------------
عشان رحام مساكين الله مو ناسيك
وكل ما تدي من خيرو الكتير اديك
يا ابعلي انت حر دايما تعصر الليك
وفي الجود والكرم أصلا شبيه ما ليك
-----------------------------------
تلقاها السعادة التامة في الدارين
قضاي الفروض يا مشرع الواردين
كرمك فطرة ما بختلفو فيه اتنين
بعرفوك الهناك والبره مغتربين
-------------------------------
في آخر الكلام من قلبي ليك دعوات
بيها يزيد مقامك وتنمحي السيات
يا باسط الأراضي ورافع السموات
ضاعف اجره بي عدد البنات مرات
04-05-2005
 
 
 

   
   

wad_hamid@hotmail.com

Designed by:Kamal Osman ©2003